Регионален натпревар во пливање во СЦ „Борис Трајковски“ во рамки на проектот „Младите за инклузија, еднаквост и доверба“ на Фондот за население на Обединетите нации

Регионалниот натпревар во пливање, настан во рамките на проектот на Обединетите нации „Младите за инклузија, еднаквост и доверба“, од страна на Фондот за население на Обединетите нации (УНФПА) во Северна Македонија, во соработка со Специјална Олимпијада Северна Македонија, се организира од денес до 7 април во базенот на СЦ „Борис Трајковски“ во Скопје. Целта на настанот, на кој учество ќе земат атлети и спортисти со интелектуална попреченост од регионот, е промовирање свест за инклузија преку спортот и регионална соработка меѓу младите во регионот.

Настанот е поддржан од Делегацијата на Европска Унија. Во 11 часот во Europe House Скопје воведен говор ќе одржи евроамбасадорот Дејвид Гир.